بعيونك بحر والبحر ماينقاس

بعيونك بحر والبحر ماينقاس



لايرحم غشيم ويجرف ابمده



الغرگ بيهن غرگ والطاح بيهن ضاع



ومبخوت اليفوج ويطلع ابجلده



لان بيهن سحر لو چان عد فرعون



چاعصاة موسى اتحولت ورده



من شدة وسعهن اشتبه واحتار



ما اگدر اميز جفنه من خده



وذا مره بچت مودمع منهه ايطيح



قارورة كحل علوجه تتبده



يلخزرة اعيونك بيهه الف تفسير



چن لمة عشاير رايحه ابهده



او چن رمشك حرس واگف بلستعداد



اوجنه ايصيح بينه اليوصل ا شحده



انته اعيون عندك وحنه عدنه اعيون



اشجاب المفتره للطايح ابشده



من يوم الشفتهن گمت اشوف الناس



كلهم علعموم اعيونهم رمده