مالك الحزين

قصيدة مالك الحزين

كتبها على طالب ديصارح بنية


طالب وعايف دروسي واقرا اشعار وجرايد
وعاشگ بنيه بقسمنه والگلب بس الها رايد
هي حلوة .. هواية حلوة واني عمي شلون واحد
بالفرن ناسيني اهلي وحتى لون عيوني جارد
حاولت الفت نظرها بكل وسيلة وماكو فايد
غيرت لبسي ومشيتي وفكري بالمودات شارد
وجللت شعري وصبغته ولبست حتى گلايد
گعدتني ع الحديدة لا بعت حتى الحدايد
لا تگلي ولا اگلك بهذلتني الله شاهد
وهي تدري بس خبيثة مثولة والدلال بارد
وانه نار بنص دليلي خاف اصارحها وتعاند
مرة اگول احجي معاها ومرة اگولن خلني راچد
وين چانتلي يربي چنت متونس وگاعد
وقررت لازم ابوح بحبي الها وما احايد
بوري ما بوري اسولف قابل مصارح مجاهد
جيت وتقربت يمها جسمي يرجف حيلي بايد
والضغط يمي تخربط مرة نازل مرة صاعد
گمت اتمتم گمت اعتعت گمت احس بلساني جامد
چني سيارة عتيگه وانكسر من عدها گايد
ردت افلت ما عاد ينفع گالت اتفضل شرايد
گلت عفواً من رخصتچ بلكي عندچ قلم زايد

وهاي القصيدة على شكل مقطع فديو هم جبتها الكم بعد شتردون












مع تحيات علي العبدلي



[ندعوك للتسجيل في المنتدى أو التعريف بنفسك لمعاينة هذا الرابط]

طبعا بالعراق لان بروسيا ماكو مصارحة راسن يدخل بالموضوع ....هههههههههههه

تحياتي علي العبدلي
[ندعوك للتسجيل في المنتدى أو التعريف بنفسك لمعاينة هذا الرابط]