زهيريات للشاعر المتألق مالك الحزين

زهيريات للشاعر مالك الحزين

تدري شكثر احباب دامنة
ومادام حتى للنبي وهيهات دامنة
ان جان نرضة العدو يدوس دامنة
محنة عراب الاصل والديرة ماهمنة
ويازي العدو النجس بوعود موهمنة
ان جان كل الجرة والصار ماهمنة
عجل ايمت يهزنة زعل ويفور دمنة
** ** ** **
ضنيت حبك من الاحزان سلم
لي سلمتوا كلبي وعذاب وضيم سلم
لي مادام انتة يساهي العين سالم
لي اي خلة تجري علية بالضيم كصابة
فدوة لشعرك علية تلوك كصابة
انتة لعيونك شبيئة السيف كصابة
ولي بهواة نيكع ان طاب سلملي
** ** ** **
گلبي الگبل مايون بجفاك وننته
وضنيتك انته الفرح ثاريك ونه انته
مامش طيوفك واباري ابشوگ ون انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاگ اشوفك ولو مشوار لو لحظه
وين انته روحي دنت عالموت وين انت
** ** ** **
عيونك مصايب كشر منهن يستر ألله
والكابلك ياترف يحتاج سترأ لـــــــــه
فك الدليل بلطف سترا لــــــــــــــــه
من عيونك سهام بيه او ظيم سالف لي
او سلفلي عينك ولو مشوار سلفليـــ
تعال أكلك يساهي العين سولفلــــــي
هذني عيونك يول لو شاد ستـــــــــرله
** ** ** **[b]

مشكوووووووووور على هاي الزهيريات الحلوة ياورد



[ندعوك للتسجيل في المنتدى أو التعريف بنفسك لمعاينة هذا الرابط]