الكهرباء والتحديق

منقول الموضوع

السلام عليكم

شلونك شباب يارب الكل بخير

طبعاً جنت كاعد اليوم والضوجة مفولة طب وانطفت الكهرباء

اكيد مو جديدة هاي الشغلة ... يلة هسة يشغل ابو المولدة وجان تشتغل شغن شغن

واشتغلت يلة هسة راح يحول وانتظر وماكو كهرباء يله احتمال كاعد يرفع الجوزات بعده مواصل لبيتنه

وانتظر وماكو ايضاً ... خرب شنو السالفة 10 دقايق وهم ماكو ... وجان يجي صدى صوت من بعيد

بااااااااااااااااارق... اني من يمي طفرت ها يوم شتردين... روح شوف شنو سالفة المولدة

كلت هم صدك خاف اكو شي ...

طلعت واشوفلك جوارينة فوق السطح اسمه علي (حسيود) هذا النك نيم مالته

هسة تجيكم شنو سالفة هذا الولد ...

رحت على ابو المولدة عمو ابو ابراهيم شنو الفلم اشو مشغل انت وماعدنة كهرباء

كام عل جوزة ... الجوزة مرفوعة ليفوك مابيه شي ... جان يجيب واير يجطل عليه حتى يفحصه خاف عطلانة

الجوزة مابية شي ... كلي وليدي روح شوف الواير خاف مكطوع... وي وي جانت عايزة التمت

اني شمدريني ياهو وايرنة اذا هية عالكة تكول صايرة "اندومي" مال وايرات

وقبل للبيت .. بشراكم يااهلي ان الواير مقطوع ... وجان يجي صدى صوت وشلون المسلسة مال عاصي بدت

جان رحت على المدعو "حسيود" العينتين فوك بالسطح يطير طيور .. واني اصيح علي حسيود حبي وين ابوك اللي

هوة الكهربائي مال منطقة ... ابو طالع وحسيود صارت عندة خبرة بالوايرات يعني متعلم الشغلة من ابوه حبي علاوي

الواير مكطوع... كلي اي خلي تطفة المولدة خاف انتل من الوايرات ... خرب هاي شلون عطل وانتظر وجان تجي

الوطنية .. وقبل علاوي علاوي حسيود وينك ابو الغيرة ... وجان ينزل كلي هيا بنا شيل الدرج اني وياه .. وجان يروحلك

قبل على مكان القطع ... كتله حسيود هاي شلون عرفت القطع هنا ... يعني قبل راح عليه .. ادري قابل هيج عندك

قوة مغناطيسية 50 فولت حتى اندليته.. ولزمة منا ولزمة منا وجان يطلع العينتين "محدق " وهو كاطع الواير

كتله خرب حسيود هاي ليش جان يقرالي الغزالة ...

طلع حسيود طيورة هاجات من السطح اذا هو حتى اكل ميطيهن طبعاً يهاجرن ومحدق العينتين ويريد فلوس

كتله بله اربط الواير ... ويله هاي 5000 الف وبعد لتسويه ..

خرب بله هذا شتسوي لهيج واحد .. يعني فوك الضوجة هيج ابدك اتملخة.. بس نقهرت عليه

والله كريم بالمرات القادمة

تحياتي الكم ياغالين